Liebes Publikum,
leeve plattdütsche Frünn,
wi freit us op de nee‘e Theatersaison 2024 un speelt för jo:
Dat Bahn-Chaos – Reisende schall man uphollen
Een Komödie in twee Törns vun Winnie Abel
In‘t Plattdütsche vun Heino Buerhoop
Plausus Theaterverlag, Bonn
Büst du all mal as so’n Esel bepackt dörr’n Bahnhoff jachtert wiel dat Gleis ännert worrn is?
Oder hest du di al mal dörr’n Toch quält, wo de Nummern vun de Waggons in de verkehrte Reeg wörrn?
Oder in’n Sommer, wenn dat buten 30 Graad sünd, dat Driftwark vun di’n Toch is twei, un de Klima-
anlaag fallt ut, wiel dat so heet is……..
„Kloor – is doch typisch Bahn“ seggst du? Grootoortig! Denn büst du goot praat op us Spektakel:
De ICE 6948 mutt ut de Reeg in een Provinzbahnhoff anholen un du un de annern Fohrgäst staht nu in’ne Wallachei – ohn Handyempfang, ohn Taxi oder Utsicht op Wieterfahrt…
Mit di in‘ne Bahn sütt een Kegelclub, een „Keen-Tied-Business-Fro“, een Verschwörungstheoretiker un een afdreite Motivationstrainerin. Een Landstrieker drifft sik op den Bahnhoff rüm un een Psychopath hett woll ok in‘n Toch seten. – Un los geiht dat Bahn-Chaos!
Wullt du mitföhr’n?
Denn hol dien Fahrkoort – de Reisetermine sünd:
Sünnabend, 24.02.2024 klock acht (20:00 Uhr) – Premiere –
Sünndag, 25.02.2024, klock halbig veer (15:30 Uhr)
Middeweken, 28.02.2024, klock acht (20:00 Uhr)
Fredag, 01.03.2024, klock acht (20:00 Uhr)
Sünnabend, 02.03.2024, klock halbig veer (15:30 Uhr)
Sünndag, 03.03.2024, klock ölben (11:00 Uhr)
Affahrtsort: Haberkamp, Uphusener Dorfstr. 1, 28832 Achim-Uphusen
Kartenvörverkoop: Sünndag, 28. Januar 2024 – 10:30 bis 11:30 Uhr
De Restkarten gifft dat bi weitsicht in Mahndörp un in de papeteria in Uphusen
los geiht dat dor an’n Dienstag, 30. Januar 2024
Wenn ji an’n Sünndag den 03.03.24 in’n Bahnhoff fröhstücken wüllt, denn köst dat 20,90€ un ji schullen dat bi Haberkamp (Tel. 04202 / 96460) reservieren.